شيواحد

سوري

كيف حالك؟ منيح؟

في يناير 7, 2013

22 كانون الأول 2012

الفيس بوك صاير مذوق وبطل أسلوبه المخابراتي
بالأول كان يطلع للواحد سؤال مخابراتي بامتياز :
ماذا يخطر في بالك ؟
هلق صاير يسأل سؤال ألطف بكتير :
كيف حالك ؟
هلق أنا ما رح بلش أنكلة متل ما بيعمل عباس شاهين بالعقل زينة وقلك كل ما تسألني كيفك باتذكر إني مش منيح
اسماع يا خيي مارك
أنا باعرف إنك أجنباوي ع قولة جودي أبو خميس ومش رح تفهم عليي شو رح قلك حتى لو قرأت كلماتي
بس رح قلك بالمختصر المفيد
أنا منيح منيح كتير و مطرمخ و كل يوم بدخن باكيت ونص باكيتين وباتسمع ع الموسيقى وبكتب شعر وفي بنت بحبها كتير و عندي رفقات أهضم من إيدي مورفي و مارتين لورانس وعندي صوفايتين و تخت وكم كتاب وسي دي وحاسس حالي أغنى من أونسيس و بيل غيتس و شو بدي خبرك لخبرك
أنا عايش ببلد عمره أكتر من 10 آلاف سنة ولهلق الكهربا بتقطع فيه كل يوم والشوارع محفرة والناس بيبكوا ع يسوع و محمد والحسين والهجري لأنو في مؤامرة كونية عم تنحاك ضدو من زمن البيغ بانغ
أنا عايش بأقدم عاصمة مأهولة بالسكان على مر العصور وما عندي جاكيت متل الخلق لأنو سعر الجاكيت بدو نص راتب وأنا ما عندي ربع راتب لأنو أنا زلمة عواطلي وكسول وما بحب اشتغل بالمرة أما من ناحية الشغل فالشغل حاليا مقتل بعضو
أضف إلى ذلك عزيزي مارك إني عايش بغوطة ما ضل فيها غير كم شجرة لأنو الأشجار يأست من وقفتها وبلشت تنتحر من حالها وتنشر حالها وتتخبى بمقاهي و بيوت الناس الراقيين يلي بيحبو الطبيعة والخشبيات وقسم منهن انتحر احتراقاً ببراميل الناس المشردين يلي ما عندهن بيوت
الأمور كلها تمام وما في شي خيي مارك
فعلاً فعلاً ما في شي
بس السؤال يلي معقدني ليش الناس بتضلها تتذمر ومعصبة
وخاصة الناس يلي عايشين برات هالملحمة يلي سقطت من أصابع هوميروس يلي ما كان موجود أصلاً؟؟!!
الملحمة يلي انفردت ع خارطة مساحتها 180 ألف كيلومتر شرق المتوسط.
الملحمة يلي اسمها سوريا

“Wael Barakat”

http://www.facebook.com/wael.barakat.714

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: